【派單張義工分享】 5月25日 佛誕 藍田

佛誕節日去到同藍田街坊過節, 雖然呢D節日對我黎講冇咩特別, 但係就多左日假可以去派單張。

第一次到平田, 一開始就覺得好難派, 好多市民「掂行掂過」, 十個行過既人入面有五個都係工人姐姐, 難上加難啊。

點知派到一半, 有兩個中年女士接到我既單張, 佢地好疑惑單張上面講咩, 之後就停低同我傾計。

第一位, 佢話呢個社會愈黎愈退步, 幾十年前既香港都唔係咁, 以前努力都可以搵到餐晏仔, 而家搏哂命番工都係搵朝唔得晏, 幾十歲人又冇人請, 錢又唔多個, 都唔知退休果陣點算。

佢話幾十年前係大陸果陣, 有次公安捉左佢, 佢都夠膽同佢地作對, 但係而家年紀老啦, 冇以前果種魄力, 日日150個落黎, 遲D香港都變成大陸, 冇得救。

第二位, 佢話而家咩工都係靠關係, 以前做政府工, 個阿頭淨係接受刷鞋, 又留哂位比自己人, 叫人interview只係做戲, 回歸得愈耐問題就愈嚴重, 唔知香港自己小朋友可以點。


傾落先知道, 其實佢地唔係唔知咩係政改, 只係對香港失去左信心, 就算係中央定香港人管治都覺得冇咩野可以改變。

但我慢慢同佢地解釋, 唔係香港民意產生既特首, 佢一定唔會真正為香港人著想, 因為佢根本就冇壓力。

而家你地生活都咁辛苦同咁多不滿, 如果係呢一刻仲啞忍, 自己既下一代會點? 或者等你再年老一D果陣又會點?

最後兩位女士都好似明明地我講咩, 無論佢同唔同意我講既野, 起碼都帶多一種思維比佢,等佢可以再思考多D野, 真係唔好比政府咁易呃到。

總結成日成績係唔錯, 不過始終冷漠既人佔大多數, 如果香港人可以唔好咁冷漠, 可能香港社會會更好。

image

image

image

image

image

廣告
本篇發表於 義工分享。將永久鏈結加入書籤。

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

w

連結到 %s