【派單張義工分享】5月15日觀塘

Wy的分享:
今日遇到幾件特別事
有個婆婆接咗單張 咁我講咗句唔好袋住先啊
佢以為袋埋張紙唔好睇住
咁我解釋咗而家發生咩事俾佢聽,佢話佢之前唔知呢啲嘢,多謝我:)

有個應該智商有少少問題嘅男仔,佢攞咗張單張之後返轉頭問我咩係689🙈我又解釋咗一輪而家發生咩事,佢問係咪即係黃絲帶嗰啲啊,跟住佢問我攞多咗兩張走~

然後又遇到有個中年女人,開口問我攞兩張,然後我不為意俾咗佢,之後佢喺遠少少嘅地方用相機開閃光燈影我哋相😐😐😐唔知係咩人嚟呢

又遇到一家人,媽媽抱住個小朋友,回應我「係,我哋唔好袋住先」

image

M的分享:
最後一次做觀塘都有d有趣事發生
唔知今日係咪裝束問題,d人對我唔太友善

1. 當派單張比一個伯伯既時候,佢一手就用手上既報紙拍/推開我

2. 又遇到一個著住乜豐物流既先生,當我想派單張比佢既時候,佢一句「我想袋住先」,然後就走咗。其實接唔接單張唔緊要,最重要係你知點解自己要袋住先,我絕對尊重任何一個人既取向,但希望冇比政府呃到。

3. 我先將單張派咗比一家大細,然後佢地停低咗係度睇。之後我再派比另一個伯伯,我同佢解釋呢個係關於政改既單張,你可以拎反屋企睇,唔好比政府呃到,佢黎手就係我面前撕爛單張,仲要撕四下,之後同我講比反我。我就同伯伯講比咗你就係你,你唔要,變咗垃圾就自己棄置佢,唔需要比反我。然後個伯伯好大聲話,你咪就係垃圾囉,仲要我掉呀。之後伯伯個老婆禁住伯伯唔比佢再鬧,而先前拎咗單張果一家大細既伯伯都出聲講,你幾十歲都唔化既。

雖然只係好短時間入面既事,但係當中發生好多野,有反對既聲音,有支持既聲音。其實出得黎前線,就預咗會有唔同既人,呢d事只會係冰山一角。

(A建議:或者下次遇到類似情況,簡單 d, 『袋住先啦~ 袋住先啦~』 ☺☺ )

image

AA的分享:
我的市民反應正面,有一位香港寬頻的推銷只專程走過來向我索取單張,他知道是黃絲帶的,然後 煞有介事認真地閱讀起來,我滿心滿足。👍👍👍

I的分享:
今晚選這個觀塘位置,比平常的不太多人,市民都比較冷淡,感覺這區大陸新移民比較多。然後派到比個中年女人,佢停下來睇單張,見佢好有興趣咁,就問佢普選的事知唔知道,佢無答我,咁我好簡略說1200人選委會,然後選出3位後選特首,再给香港人去投票。

可是她說可以同中央提出1200人的不廣泛性。叫中央去修改,還要跟中央定下合約,可是這中年姐姐似乎以為中央好有合约精神?我跟佢講中央連基本法都靜雞雞改左為左配合今次選舉啦!

最後中年姐姐話咁唔得吖,唔妳地叫班泛民同中央講,可唔可以就算簽左合约要起高鐵,反口唔起得唔得。而原來以為年青人對中共不認識,中年姐姐也同樣地以為中央可以有商討的,也太將中央放上最高位置會守合约精神。

image

image

image

image

image

廣告
本篇發表於 義工分享 並標籤為 。將永久鏈結加入書籤。

One Response to 【派單張義工分享】5月15日觀塘

  1. J Shek 說道:

    其實831方案都是跳步,不是“循序漸進“:要真正做到“循序漸進“,首先要廢除立法會功能組别,然後才能夠有基礎去廢除提委會四大界别,到時1200人提委才由全香港人一人一票直選出來,到時選邊個特首都有充分民意授權,所以建制派的“袋住先“,泛民的“公民提名“,通通都係focus 錯,concept 錯,大家不要再攪特首選舉程序,應該着眼怎樣解決立法會的功能組别,實行“火燒後欄“!一日廢除唔到立法會功能組別,一日任何人(包括北京,港府,建制,泛民)都不可提普選,因為現在任何人的所有方案都做不到基本法45條所提及的“循序漸進“!

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

w

連結到 %s