[Yellow Day] 28.1.2015 義工Michael的分享

今次係我第一次參加Yellow Day既關懷探訪,感受好深刻。

深刻既地方唔係因為被探訪戶好慘、好悽涼,而家見到香港人害怕行前一步既心態。

呢次yellow day進行既地方轉戰左去灣仔區,一聽落去灣仔喎,港島區係舊時有錢人住既地方,有冇可能有需要被探訪既人。一開頭我都懷住咁既心態去,事實上起步果陣都花左好多時間去搵有需要被探訪既人,因為好多大廈樓下都有閘門,唔方便義工們上去,直到搵到一橦舊樓係冇大閘。

被探訪既家庭住係一橦只有三戶,樓高三四層既舊式大廈,聽落睇落都好似覺得唔錯啊,住既地方又大,又唔多人住,環境應該唔錯。但係當一開門果陣見到屋入面好多地方都好殘舊,同埋地方唔算好大,但叫做乾淨而已。佢地係一家幾口住埋一齊,小朋友都係要番大陸做野,一朝早就番工,然後夜晚九點十點先番落黎香港,工時非常之長,一家人團聚既時間唔多。

太太表示佢地住係灣仔區40幾年,一直都冇諗住想搬走,睇住呢區一直咁變化,舊時既野全部唔見哂,淨係見到一幢幢新式既商業大樓,覺得好感慨,因為唔知自己仲可以住到幾時。早前已經有地產商上門問過,政府要收返你地呢度果陣,你地幾錢先賣,但太太只係話,夠我住番同區咪搬囉。

同太太傾左都40分鐘有多,言語間都表露左太太係一個好關心香港時事既香港人,對香港政府或者689所做既野都覺得好憤慨,但係當我地問到做左選民未果陣,太太就即刻話「做選民有咩用,我乜都唔識,怕投錯會累到人」。
係我既角度睇,其實太太已經好有批判性思考,對人對事都分得好清楚,好明白事理,只係唔肯踏出第一步去為自己爭取應有既權益。

事實上,香港的確有好多好似太太一樣既人,都好怕去行出第一步為著自己應有既野爭取。呢D野未必係關政治事,好多都係關乎民生既野,就例如回收重建咁,就算他日太太有賠償費用,難道會有保證能夠原區安置?並且能夠用賠償金額買到原有咁大既地方?筆者相信就應該做唔到,但係唔爭取就一定唔得,但係首先要識得為著自己要爭取既野行出第一步,咁樣先有可能爭取成功。

後記:
探訪唔一定係好悽慘既人先值得去關心,其實身邊每一個人都值得你去留意,正如太太一樣,仔女長時間唔係屋企,每日陪伴既就只有老公同班街坊。

所以需要我地呢班義工定期去關心探訪,令到消失已久濃厚既香港情重現,每個人只要做多少少,香港就會不一樣了。

Yellow Day_28_1_2015

廣告
本篇發表於 義工分享 並標籤為 。將永久鏈結加入書籤。

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s