【社區對話日】21/12/2014 “Michael與小明的分享"

  1. 義工Michael既分享:

今日分別同咗三組不同年齡人士傾計

  1. 二個未成年人士,年齡介乎16-17
    佢地均已冇讀書,暫時無業,認為現時社會有問題,對前路感到茫然。但對佔領或普選事宜認識不多,我地主要講選舉制度,有得揀好過冇得,及希望佢地同身邊有參加佔領朋友溝通多d。
  2. 二十幾歲在職人士,職齡兩年,已登記做選民,但冇投票經驗,認為投票唔係好關自己事,對831或普選認識不足。我地主要介紹選舉點關自己事,社會上而家出現咗咩病,鼓勵日後參與投票去改變自己命運。
  3. 劉伯伯,支持真普選,支持落區,但反對任何佔領或破壞香港既野,支持警方執法及認為要接受中國統治,普選可以係831框架下同中央傾。佢對時事係好有觸角,但對831同提名委員會有誤解,認為一開始已可以有5百萬人可以揀候選人,故clarify當中誤點。並傾咗好多對現時香港睇法,佢認為現時泛民政黨不知所謂,故對香港日後環境唔睇好。

傾完偈提早咗返街站幫手,所以有段小插曲:

一路派單張,都有兩三個伯伯或叔叔停低同我傾過。

其中一個話希望黎緊區議會選舉有年青既新血出黎參選,唔好再比建制派自動當選。

另一個就講其實共產黨逢二五年左右就會有一場革命,佢話文革後就六四,六四後就而家,佢覺得而家做咩都冇用,因為共產黨習近平已經係二代,對下已經再冇新人,所以等共產黨自然消磨就可以。佢同我講咗好多中國既歷史,但好多我都唔太識,所以好難再講返出黎。

反思:
整體認為日後要儲多d料,唔係好難同人傾,因撩唔中話題好難開始同深化。

  1. 義工小明的分享

參與了數次撐傘落區,今天早了半小時回到跟大家在街站會合。

拿起登記選民表,便集中向街上的年輕人問道,"請問登記了做選民沒有?"

一半的是冷淡回避。

一半是回答已登記了及未登記的。而當中,他們都會用眼神表情交流或用說話互相鼓勵加油,有些更多謝我們…

其實,要多謝的是沒有放棄的香港人… 大家同舟共濟,為香港的未來堅持努力。

當中央及特區政權冷血無視香港人對真普選的喝求,令筆者今天帶著沉重的無望去撐傘落區…

是一個個一對對的香港人互相給力,知道只要我們不放棄,香港仍有希望… 因為,they can’t kill us all!

p.s./ 更提示了大家二月一日會有遊行…

還有個小插曲…

一路走到地鐵站做 debriefing 時,一個男孩問我,"您們在做自閉症問卷嗎?"

我回答他是關於真普選的,我問他夠十八歲沒有… 他便說,"我十四歲… 您們做的事很好,有些人根本不清楚發生什麼事。" 我對他說,"對呀,我比您大三十年,未來的世界是您們的。"

隨即我問他有否興趣參與我們落區。 他答,"不,因為要準備考試了。"

我對他說,"對,知識就是力量。" 他帶著自信的微笑向我道别。

撐傘落區運動facebook專頁
https://www.facebook.com/pages/撐傘落區運動/273942109482342

撐傘落區網頁
Http://umbrellablossom.wordpress.com/

義工招募
電話/whatsapp: 9235 3048 阿毛

社區對話日_社區日_21.12.14_3 社區對話日_社區日_21.12.14_2 社區對話日_社區日_21.12.14_1

廣告
本篇發表於 義工分享 並標籤為 。將永久鏈結加入書籤。

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

w

連結到 %s